Paytextê Fransa Parîs de ciwanan ê Kurdan seba ke bale biancê xoverdayîşê grevê vêşanîye ser Yewîya Heqanê Merdiman de çalakîya bêîtaatîya sivîle viraşte.

Ciwanan selahîyetdaranê Yewîya Heqanê Merdiman de pêvînayîş viraşt û derheqê tecrîdê serê Rayberê Şarê Kurdî Abdullah Ocalanî û xoverdayîşê grevê vêşanîye de zanayîş da. Ciwanan berpirsîyaranê yewîye ra waşt ke wa derheqê grevê vêşanîye de eşkerayîyêk bidê, xoverdayoxanê grevê vêşanîye zîyaret bikerê, seba ke wezîfeyê xo bica bîyoro veng bidê CPT û Konseya Ewropa û semedê caardişê waştişê xoverdayoxan o ke wedartişê tecrîdê serê Ocalanî yo, tê bigêrê.