Rayraşîyayîşo Derg ê seba Rayberê Şarê Kurdî Abdullah Ocalanî paytextê Fransa Paris de bi aktîvîteyanê cîya-cîyayan dewam keno ke vizêr dîyabi destpêkerdene.

Çalakîkeranê rayraşîyayîşî roja diyîne de çarçewa kampanyaya 'Ma Îmraliyî rê 100 hezar kartan bişawê' de karpostalî şawitî Rayberê Şarê Kurdî.

Verê Merkezê Kulturê Kurdan ê Ahmet Kayayî de Hemserekê CDK-Fyî Şahîn Polatî eşkerayîya çapemenîye wende û vat: ''Seba ke tecrîd bêro şiknayene ma pîya tewrê na çalakîye benê.''

Çalakîkeran heta postaxane bi slogan û pankartan rayraşîyayîş kerd. Dima metro de çalakîkeran raywanan rê qala armancê çalakîya xo kerde.

Polatî da zanayene ke Rayberê Şarê Kurdî ra xeberêke nêna girewtene û na rewşe zî kurdan qerqilnena.  Polatî vat: ''Ma wazenê ke Abdullah Ocalan azad bibo û kurdî bibê wayîrê statuyêkî.''

Çalakîkerî ewro meydanê Invalide de rayraşîyayîşê xo do bikerê û siba do biresê şaristanê Laurientî.