Seba azadîya Rayberê Şarê Kurdî Abdullah Ocalanî vizêr paytextê Fransa Paris de Rayraşîyayîşê Azadîye yê 25 rojan dîyabi destpêkerdene. Rayraşîyayîşê Dergî yê 25 rojan roja xo ya verêne Rue La Fayette-Nation de qedînaye.

Rayraşîyayîş de bi ziwanê franskî 5 hezar vilawekî ameyî vilakerdene. Vilawekan de qala ci ameye kerdene ke Rayberê Şarê Kurdî 25 serrî yo Zîndanê Îmraliyî de binê tecrîdî de tepişîyeno û hîrê serrî yo tira qet xeberêke nêamaya girewtene.

Rayraşîyayîşî ra dima girse derbazê Merkezê Kulturê Kurdan ê Ahmet Kayayî bi û tîya de sînevîzyonê derheqê xoverdayîşê Îmraliyî de temaşe kerd. Îdarekarê KCDK-E, CDK-F û TJKyî zî û şar zî tewrê kombîyayîşî bîyî. Kombîyayîş de dezgehê dîplomatîkî ameyî zîyaretkerdene û nînan rê derheqê tecrîdî de dosyayêke ameye pêşkêşkerdene.

Komîteya Amadekarîye îfade kerd ke bi beşdarîya xurte înan roja verêne qedîyana û sipasîya pêro beşdaran kerde.