Paytextê Fransa Parisî ra ver bi Strasbourgî  semedê azadîya Rayberê Şarê Kurdî Abdullah Ocalanî rayraşîyayîşê 25 rojan dest pêkerd.

Kuçeyê La Fayette de yo ke Buroyê Enformasyonî yê Kurdîstanî ke  tede yo ke 2023 de hîrê cinîyê kurdê şorişgêrî tede ameybî qetilkerdene, eşkerayîya çapemenîye ameye dayene.

Çalakwananê ke unîformayê sûrî yê ke serê ci de fotografê Rayberê Şarê Kurdî Abdullah Ocalanî û waştişê azadîya ci ca genê, kerdî piray pankartê ke sero azadîya Abdullah Ocalanî û çareserîya sîyasîye ya meseleya kurdan yenê waştene, kiriştî.

Hemsereka KCDK-E Zubeyde Zumrut rayraşîyayîşê 25 sey 'çalakîyêka tarîxîye'  name kerd, bale ante bêvengîya CPTyî ser û vat, ''Hemkarê hêrişê qirkerdişî yê dewleta tirke yê vera kurdan mebê.''

Badê eşkerayîye de çalakwanan  bi slogananê azadî û xoverdayîşî dest pê rayraşîyayîşî kerd. Çalakwanan hêrişê îşxalî yê dewleta tirke yê vera kurdan zî bi sloganan şermezar kerdî.

Roja verêne û diyîne de rayraşîyayîş do Paris de bêro kerdene. Dima ra Lorient, Vannes, Nantes, Rennes, Rouen, Mantes La Jolie, Les Mureaux, Meulen, Grigny, Villeneuve St. Georges, Bobigny, La Courneuve, Drancy, Soisson, Reimes, Sarcelles, Nancy, Creil, Metz û Amiens de do rayraşîyayîşî bêrê kerdene. Tay rayraşîyayîşî do semedê paştdayîşî bêrê kerdene tay zî do guzergahê çalakwanan de bêrê kerdene. Nê demî de do kartî bêrê şawitene, grûbê sîyasî û rêxistinê komelê sîvîlî bêrê zîyaretkerdene, ramojnayîşê fîlman, kombîyayîşê  şarî, tîyatro û xeylêk aktîvîteyê cîyayî bêrê kerdene.

Rayraşîyayîş do  15ê sibate serrgêra Komployê Mîyanneteweyî yê ver Rayberê Şarê Kurdî Abdullah Ocalanî de Strasbourg de biqedîyo.