Ronayoxanê PKKyî ra Sakîne Cansiz (Sara), Temsîlkara KNKyî ya Parisî Fîdane Dogan (Rojbîn) û Endama Têgêrayîşê Ciwanan ê Kurdan Leyla Şeylemez (Ronahî) 9ê çeleyê 2013yî de paytextê Fransa Paris de ameybî qetilkerdene Paris de bi rayraşîyayîşêk ameyî vîrardene.

Rayraşîyayîşê edaletî yo ke serêkîya TJK-E û CDK-Fyî de ame kerdene xeylêk kesî tewrê ci bîyî. Kurdî dostê înan ê ke Merkezê Komelê Demokratîkî yê Kurdan ê Parisî de ameyî têhet  bi pankarte 'Heta ke edalet nêro roşnkerdene Fransa sûcdar a' ver bi Buroyê Enfermasyonê Kurdîstanî dest pê rayraşîyayîşî kerd. Birayê Sakîne Cansiz Metîn Cansiz, Sekreterê Pêroyî yê Partîya Komînîste ya Fransa û namzede serekkomarî  Fabien Rousel, Hetkara Hemserekanê Şaredarîya Bajar Pîlî Helene Bidard û encumenê şaredarî tewrê rayraşîyayîşî bîyî.

Çalakwanan verê boruyî de vilîkî nayî ro û mumî tafînayî. Bi nameyê keyeyanê hîriê cinîyan ê şorişgêran Metîn Cansizî qisey kerd. Cansizî semedê tewrbîyayîşê çalakîye şarî rê spas kerd û vat heta muhakemekerdişê kiştoxan do têkoşînê înna dewam bikero. Endama TJK-E Zeynepe Dersim zî ard ziwan ke kiştoxî roja verêne ra eşkera yê û vat Fransa heta ke qirkerdişî roşn nêkero hemparê nê sûcî ya. Fabien Rouselî zî ard ziwan ke ê sey Partîya Komîneste kişa kurdan de yê vat ganî Fransa lezabez edaletî bîyarî ca.