Parlamentoyê Ewropa de Konferansê Rojawanî
Parlementoyê Ewropa bi sernameyê Vakur û Rojhelatê Sûrîye/ Rojawan do Bruksel de konferansêko hîra serûber bikero.
Parlementoyê Ewropa bi sernameyê Vakur û Rojhelatê Sûrîye/ Rojawan do Bruksel de konferansêko hîra serûber bikero.
Konferansê Parlamentoyê Ewropa rayberîya Keskan/Grûba EFA, Îdareyê Xoserî yê Vakur û Rojhelatê Sûrîye û Îtîfaqê Mîyanneteweyî yê Pawitişê Heqan û Azadîye de do bêro kerdene.
11-12ê kanûne de parlamenterî, pawitoxê heqanê merdiman, akademîsyenî, temsîlkarê rêxistinan, rojnamegerî û cigêrayoxî pêşkêşanê xo do bikê. Konferans roja çarşemeyî saete 16:30 de do dest pêbikero û heta 19:30î dewam bikero. Roja bîne zî mabênê saete 09:00 û 17:00 de roniştişêk do bêro kerdene.
Organîzatorê konferansî ANFyî reyde qisey kerd û pare kerd ke armancê înan ê bi konferansî rîyê raîtikênê yê Tirkîya mojnayîş o. Organîzatorî wazenê ke rayaumûmîye derheqê îşxalê dewleta tirke de hişyar biba.
Beşdarê konferansî nê yê: Sefîrê Karanê Merdimîye yê Wezaretê Teberî yê Swêdî Per Orneus, Wezîro Verên ê Fransa û Hemsazkerdoxê Doktoranê Sînornenasan Dr. Berbard Kouchner, Dîplomato Verên ê DYA Peter W. Galbraith, Berpirsîyara Buroyê Rojhelatê Mîyanênî ya Rojnamegeranê Sînornenasan Sabrine Bennoui, Pispora Dînanê Rojhelatê Mîyanênî û Sîyasetî Amelie Chelly, Avûkatê Buroyê Parisî Sevag Torossîan, Keskî, Yewîya Çepe, Parlamenterê Yewîya Averwaze ya Demokratan û Sosyalîstan, Sazkerdox û Mudirê Keyeyê Muşahedeyî yê Heqanê Merdiman ê Sûrîye Usama Suleyman, Selahîyetdarê Îdareyê Xoserî yê Vakur û Rojhelatê Sûrîye.
Babetê konferansî wina yê: Îşxal, sucê şerî, pakîya etnîke yê dewlete tirke yê vera Rojawanî, têkilîyê dewlete tirke û DAÎŞî, mekanîzmayê mîyanneteweyî yê vera sucanê şeran, rastîya Artêşa Mîllî ya Sûrîye, tewirê YA, NATO û NYyî yê vera îşxalê dewleta tirke, perspektîfê Sûrîye ûsn.
Konferans nê lînkan ser o bi hawayêkê ganî do bêrê weşanîyene:
11ê Kanûne, Çarşeme, 16:30-19:30
North and East Syria/Rojava : a regional and global litmus test (1)
12ê Kanûne, Pancşeme, 09:30-13:00
North and East Syria/Rojava : a regional and global litmus test (2)
12ê Kanûne, Pancşeme, 14:30-17:00
North and East Syria/Rojava : a regional and global litmus test (3)