Semedê wekîlanê rehînan kampanyaya paştdayîşî
Parlamentoyê Ewropa de semedê wekîlanê ke sey rehînan yenê tepiştene kampanya dîyaye destpêkerdene.
Parlamentoyê Ewropa bi programê Paştdayîşê Parlamenteran bale anceno parlamtenranê ke rîyê falîyetanê sîyasîyan ra raştê zext û bêhuqûqîye yenê ser.
Çarçewa projeyo ke newe dîyayo destpêkerdene de parlemanterê Parlamentoyê Ewropa do rewşa wekîlanê HDPyî ke wekîlîya înan ameyî xespêkerdene û zîndande sey rehîne yenê tepiştene Fîgene Yuksekdag, Leyla Guven, Musa Farisogullari û Omer Faruk Gergerlîoglu û wekîlê ke Fîlîpînan û Hong Kong de heman çî ciwîyene, teqîp bikerê.
Parlamenteranê Grûba Çepe ya Parlamentoyê Ewropa ra Chris MacManus do rewşa Yuksekdage û Nikolaj Vilmussen zî rewşa Guvene teqîp bikero. Parlamenterê Grûba Sosyalîsta û Demokratan ê ya Parlamentoyê Ewropa û Raportorê Tirkîya Nacho Sanchez Amor do rewşa Gergerlîogluyî û Parlamenterê Grûba Çepe û Hewzan a Parlamentoyê Ewropa Jordi Sole zî do rewşa Farisogullarî teqîp bikero.
Çarçewa projeyî de vîdeoyê paştdayîşî yê semedê Yuksekdage û Guvene ame parekerdene. Macmanus û Vilmussenî ke bale ante rewşa wekîlanê HDPyî yê ke raştê zextê dewlete yenê ser mesajê paştdayîşî dayî.
