Şaristanê Parma yê Îtalya de bi beşdarîya kuran û dostanê înan kampanyaya seba azadîya Abdullah Ocalanî dîyaye destpêkerdene. Çarçewa kampanya de do 2 rojan kombîyayîşê şarî bêrê kerdene. 

Vizêr Hemşaredarê verênî ya Amedî Firat Anliyî Şaredarê Parma Federico Pizzarotti û Serekê Meclîsê Şaredarîye Alessendro Tassi Carboniyî reyde pêvînayîş kerd. Seba ke Şaredarîya Parma hemwelatîya rûmetî dabi Abdullah Ocalanî Anliyî înan rê sipas kerd.

18.30 de şan bi beşdarîya komanê çepgîran û dostanê kurdan kombîyayîşêk ame kerdene. Kombîyayîş de kampanyaya seba azadîya Abdullah Ocalanî dîyaye destpêkerdene.

Hetê bînî ra Komîteya Kurdan û Torra Kurdîstanî (Rete Kurdistan) Firat Anli zîyaret kerd û ard ziwan ke ê hetê têkoşînê şarê kurdî de yê.