Partîya Sosyalîste (SP) ya ke partîyanê pîlan ê Swîsre ra ya, partîya Keskan û sendîkaya karkeran ê Swîsre UNÎA zî tede 35 dezgehê Swîsre do roja Şeme paytextê Swîsre Bern de rayraşîyayîş û nawnayîşî ivirazê.

Bi nê armancî eşkerayîya hempare ameye weşankerdene. Eşkerayîye de ame vatene ke "Ma vînenê ke leşkerê Tirkîya û komê cîhadîstî yê hemkarê înan seba vurnayîşê demogarfîyê herêma Vakur û Rojakewtena Sûrîye tedaye û qirkerdişan kenê. Xoserîya Vakur û Rojakewtena Sûrîye ya ke îradeyê şarî ra yena meydan, seba amayoxê Sûrîye modelêka tewr baş a. Sîstemo xoser mîyanê şert û mercanê şerî de hetê pêroyê terefan ra mîyanê mercanê demokratîkan de û têdûştan de pîya ame komkerdene."

Eşkerayîye de  ame waştene ke seba ke Neteweyê Yewbîyayeyî wareyê hewayî yê Vakur û Rojakewtena Sûrîye qedexe bike, hukmatê Swîsre  xîret biko û tê bigêro. Peymana bazirganîya serbeste yê Tirkîya bêra batalkerdene, ambargoyê ekonomîkî verba Tirkîya bêro caardene, seba hukmkerdişê sucdaranê şerî kar bêro kerdene, seba ke  haştîya mende ya Sûrîye bêra caardene xoîdarekerdişo demokratîk û laîk ê Vakur û Rojakewtena Sûrîye bêro naskerdene û pawitene. Naye ra roja Şeme rayraşîyayîş û nawnayîş  di bêrê viraştene. Ganî Kurdistanij, Tirkîyayîj û Swîsreyîjî   tewrê çalakîye bibê. Goreyê eşkerayîye çalakîye do Schutzenmatte Bern de do bêra viraştene û saete 13:30 de dest pêbike.