Pêramotişê 'Girawe' yê resam Sînan Hezerî Koln de ame akerdene. Hezerî resimanê xo de mesajanê Rayberê Şarê Kurdî Abdullah Ocalanî ra îlham girewt. 

Pêramotiş Kulturbunker de ame akerdene û tede 23 tabloyê Hezerî yenê pêşkêşkerdene. 

Akerdişê pêramotişî de hunermendan Memo Gulî û Mazlûm Rewşenî performansê muzîkî mojna.

Hezerî pêramotiş de vat: ''Noqtaya min a plan û krokîyan Zîndanê Îmraliyî bîye. Tîya de hucreyê Rayberîye nêzdî ra ame hîskerdene û dîyene.''

Sînan Hezer seba viraştişê tabloyanê pêramotişî pawitişnameyanê Rayberê Şarê Kurdî waneno. 

Pêramotişê 'Girawe' şaristananê bînan de zî do vejîyo verê heskerdoxanê hunerî.