Heyetê Îmraliyî yê DEM Partî yo ke Pervîne Buldan, Sirri Sureyya Onder û Ahmet Turkî ra yeno pê, Serekê Pêroyî yê CHPyî Ozgur Ozelî de pêvînayîş kerd. 

Ozelî reyde Serekwekîlê CHPyî Gokhan Gunaydin, Sekretera Pêroyî ya CHPyî Selîne Sayek Boke û Hetkarê Serekê CHPyî Gokçe Gokçen zî pêvînayîş de cagirewt. 

Pêvînayîşî ra dima Ozgur Ozel û Onderî eşkerayîyêke daye.

Ozelî îfade kerd ke seba çareserîya meseleya kurdan ê do tim destek bidê pêro xîretan û vat: ''Ma wina fikirîyenê ke merkezê nê xîretan Meclîs bibo. Ganî partîyanê MEclîsî ra komîsyonêk bêro ronayene û no komîsyon prosesî îdare bikero. Hetê bînî ra pêkerdişo komelkî zî lazim o. Ganî pêro şarî mîyanê xîretan de bi zerrîwazî cabigêro û rizaya her kesî bêra girewtene. Ganî î gamê demokratîk û qanûnîyî bêrê eştene. Hêvîya ma est a.''

Onderî zî vat: ''Ma pêvînayîşêko hîra kerd. Ma goş na rexne û pêşnîyazan ser. Ganî ma mutabeqatêkê komelkî yê hîrayî bikerê.''