Kometîya Paştdayîşê Keyeyanê Şehîdan a PKKyî eşkera kerd ke Cafer Engizek 14ê adara 2024î Rojawan de  şehîd bîyo û nê vatî:

''Hemrayê ma Cafer Engizek1955î de dewa Bazlarî ya qezaya Bazarcikî ya Mereşî de yeno dinya. Waro ke tesîrê bawerîya elewîtîye tede bibi û kulturê komelkî yê kurdan tede bi giranî ameyêne rayraberdene de beno pîl. Mektebo verên dewe de waneno û mektebê mabênî Bazarcik de waneno. Bado ke Mereş de Enstituyê Hunerê Taybetî yê M. Ruştuyî qedîneno dima ra zî Enstituyê Perwerdeyî yê Mereşî qedîneno sey mamostayê mektebê verênî dest pê wezîfeyî keno.

Hemrayê ma Cafer Engizek ciwanîya xo ra têkoşînê şorişgêrî rê eleqedar beno. Wexo ke hema 16 serre binê tesîrê xoverdayîşê Sinan Cemgillerî de maneno ke dewêka cîranê ci ya de hetê dewleta tirke ra yeno qetilkerdene. Verî şorişgêranê tiran rê eleqedar beno la 1976 de Şorişgêranê Kurdîstanî nas keno. Eynî serre de tewrê Têgêrayîşê Apoyîyan beno. Şorişgêrê Pîlî Hakî Karer û Kemal Pirî reyde xebatan rayra beno. Xebatê serkewteyê ke Kemal Pirî Mereş de kerdî hemrayê ma Cafer Engizek sey aktîf mîyanê nê averşîyayîşan de ca geno.

Hemrayê ma Cafer Engizek 1979 de semedê perwerdeyê leşkerî şino Lubnan û badê perwerdeyî agêreno warê Başûr Rojawanî. Xoverdayîşê vera derbaya 12ê Êlule de aktîf ca geno. 1981 de reyna şino warê Lublanî ke Rayber Apo ûca de yo. Dima ra cayanê sey Heleb û Efrînî de xebatanê şarî keno. Seba ke bi giranî nêweş kewno serrêke Başûrê Kurdîstanî de tedawî beno û 1983 de verê xo dano Behdînanî û ûcara zî şino warê Xakurkê. Hemrayê ma Cafer Engizek 1984î ra heta 1990yî koyanê ke rojawanê Awa Zapî ra heta heta Koyê Gabarî benê derg, tîya falîyetê gerîlayan raya beno û vera hêrişanê îşxalî yê dewleta tirke şer keno.

Pîya bi fermandaranê pîlan Egîd Egid (Mahsum Korkmaz), Mustafa Yondem, Kazim Kulu, Şehit Aziz, Şehit Azime ê ke têkoşînê azadîye yê Kurdîstanî de bîyî efsane, şerê xelisnayîşî keno. Wezîfeyê sey berpirsîyarê manga, takim, herême û koordîneyê eyelatan geno xo ser. Gama ke wezîfedaro fermî nêbi zî çîyo ke destê ci ra ameyêne kerdêne. Her şertan de zanayîşê xo hemrayanê xo reyde pare kerdêne û xebatê perwerdeyî rayraberdene ke sey îlkeyê esasî yê serkewtişê PKKyî hesibnayêne.

1990 de newera şino cayê Raybe Apoyî û heta 1991î Akademîya Mahsum Korkmazî de perwerde vîneno. O wazeno şiro warê Botanî la goreyê hewcedarîye sey berpirsîyarî şino warê Başûr Rojawanî. Waranê Mereş û Semsûr de têkoşînê gerîlayan û xebatanê rêxistinkerdişê şerî rayra beno. 1994 de reyna agêreno warê Rayberîye û badê perwerdeyê serkewteyî verê xo dano warê Botanî. Heta 1999î waranê Botan-Behdînan de xebatanê îdareyî rayra beno.Hemrayê Cafer Engizekî çîyê ke Raybe Apoyî ra mûsayo seba ke bifîno xizmetê têkoşînî her firset de xebatanê perwerdeyî bi berpirsîyarîya pîle geno xo ser. Badê esîrkewtişê Raybe Apoyî hemrayê ma Cafer Engizek Herêmanê Pawitişî yê Medya de mano. Mabanê serranê 1999-2010 de pîya bi xebatanê pêroyî derheqê Zerduştî de kitabêkê cigêrayîşî nuseno. Hemrayê ma Cafer ke rixmê asîmîlasyonê dewleta tirke ziwan û kulturê xo paweno, eynî wextî de bi nameyê  Bênav û Berxên Me di kitabanê kurdkî nuseno. Pîya bi xebatanê perwerdeyî, rêxistinkerdiş, cigêrayîşî xebatanê çapemenîye zî keno. Berpirsîyarîya Rayoyê Dengê Gerîla geno xo ser.

3 serrî warê Rojhilatî temsîkarîya KCKyî keno. Dima ra binê serbanê Komîteya Zanayîş Roşnbîyayîşî de Akademîya Zanayîşanê Komelkî de xebatanê xo rayra beno. Nê wextî de derheqê Rojhilatê Kurdîstanî de kitabêk nuseno. Hemrayê ma Cafer Engizek dima ra giranî dano xebatanê edabîyatê kurdan û xeylê kitabanê bînan nuseno. Bi xabatanê sey GEWRO û GEWRÊ, Her Tiştê Me, Serket, Sisê paştî dano edebîyatê kurdan. Hermayê ma Cafer Engizek tewr peynî de şino Rojwan û ûca de xebatanê edebîyatî rê dewam keno. Tîya reyna vera  nêweşîye zî têkoşîn keno û tedawî beno. 14.03.2024 de nêweşxane de tewrê kerwanê şehîdan beno û xo dima mîrasêkê gird verdeno.

Ma sere de keyeyê ercîyayeyî yê embaz Caferî rê, şarê welatperwerî yê Kurdîstanî rê serweşîye wazenê û soz danê ke ma do xeyalanê Kurdîstanê azadî û cuyeya azade yê hemrayê xo Cafer Engizekî bîyarê ca.''