Ciwanê ke seba tewrbîyayîşê Festîvala Ciwananê Kurdîstanî Swîsre ra ver bi şaristanê Freiburgî yê almanya kewtî rayîr, otobusa înan sînor de ameye vindarnayene.

Polîsanê almanan otobuse de nasnameyê pêro ciwanan kontrol kerdî û dima 44 kesê kurdî destbend kerdî. Dîya zanayene ke polîsan wextê cigêrayîşî de ciwanan rê heqaret zî kerdo.

Ciwanî mudirîya polîsan de tepişîyenê.

Ame parekerdene ke ciwanan ra yew de nêweşîya qelbî est a rixmê ney zî polîsan a/o nêberdo/a nêweşxaneyî. Mîyanê 44 kesan de domanî zî est ê.