Polîsî nêeşkayî rayraşîyayîşê Parisî yê ciwanan asteng bikerê
Polîsanê Fransa roja peyêne de hêrişê 'Rayraşîyayîşê Dergî yê Parisî' kerd û waşt ke ciwanan destbend bikerê. Ciwananê kurdan rixmê hêrişan zî rayraşîyayîşê xo rê dewam kerd.
Vizêr roja fînela ya Rayraşîyayîşê Dergî yê TCŞ û TÊKO-JIN bîye ke mabênê banlîyoyanê Parisî de ame kerdene.
Polîsan roja peyêne de waşt ke rayraşîyayîş nêro kerdene. Ciwanan no qebul nêkerd û rayraşîyayîşî rê dewam kerd. Polîsanê Fransa ney ser o hêrişê ciwanan kerd û xîret kerd ke 4 ciwanan destbend bikerê. La ciwanan embazê xo destê polîsan ra girewtî.
Ciwanan dima kuçeyî trafîkî rê qefilnayî. Ciwanan rixmo ke reyna maruzê gefanê polîsan mendî çalakîya xo rê dewam kerd.
Dima ciwanan heta Merkezê Komelê Demokratîkî yê Kurdan ê Gringyî çalakîya xo kerde û qedînaye.
Polîsan waşt debikewê Merkezê Komelê Demokratîkî la seba ke destûr nêdîya xo apey ant.
Rixmê astengîyanê polîsan zî ciwanan fîşekê hewayî eştî û govende girewte.
