Wekîla Koalîsyonê Çepî yê Radîkalî EAGî yê Swîsre Stefanie Prezioso vera teda û zorbazîya dewleta tirke ya serê kurdan vernîyazêk da.

Stefanie Prezioso bira Konseya Cenevre ya 30ê nîsane vist vîrî ke vatêne Tirkîya rê seba hûrmetê heqanê merdiman zor bidîyo û vat: ''Verî ma wazenê bizanê ke Konseya Federale cewabêko pozîtîf dayo nê vengdayîşî yan nê.''

Stefanie Prezioso waşt ke hukmatê Swîsre nê babetan de têbigêro:

-Seba veradayîşê tepişteyanê sîyasîyan ê HDPyî

-Vera sûckerdişê keyfî yê dewleta tirke yê vera kurdanê ke ameyê weçînayene.

-Vera îşkenceyê serê tepişteyan, bi taybetî vera tepişteyan ê cinîyan ê kurdan

Stefanie Prezioso peynîya vernîyazî de venga Konseya Federale da ke seba pawitişê heqanê merdiman ê temsîlkaranê şarê kurdî bi hawayêkê xurtî paştdayîşê hukmatê tirkî ra fek vera bido.