Seba ka PKK 'mîyanê lîsteya terorî ra bêro vetene' kampanyaya îmzayan Swîsre de zî dewam kena. Beşdaranê kampanya ra mamostaya dibistane û hunermend Simon Hotzî ANFyî rê qisey kerd.

Hotzo ke bi aktîfî mîyanê karanê GsoA (Rêxistina Swîsre ya bêartêşe) de ca gêno ard ziwan ke nêno qebulkerdene ke welatê Ewropa seba menfaatanê xo Erdoganî weş bikerê û PKK sey rêxistinîya terorî pênase bikerê.

Hotzî îfade kerd ke ey sîyaset û têkoşînê kurdan nêzdî ra dîyo û vat: ''Peygoşkerdişê zulm û tedaya dewleta tirke mi gore nêno qebulkerdene. Dewletê Ewropa seba ke Tirkîya reyde peymananê bazirganîye kenê, kerdişanê rejîmê dîktatorî peygoş kenê. Ganî îdareyê Erdoganî bêro teşhîrkerdene. Eqsê îdîayanê ke Ewropa de vila bîyê PKK rêxistinêka terorî nîyo. Êyê ke morê terorî dayo PKKyî raştîya ke PKK têgêreyîşêko femînîst, demokratîk û antîkapîtalîst o, nimnenê.''