26ê teşrîna peyêne ya 1993yî de Almanya de PKK amebi qedexekerdene. Qedexe bi sebeb ke Almanya de kurdî bêrê krîmînalîzekerdene, heqanê sîyasî û komelkîyan ra bêpar bimanê. Şaristanê Stuttgartî yê Almanya de bi wesîleya serra 31. ya qedexeyê vera PKKyî panelêk ame kerdene.

Stuttgart, Heilbronn û Esslingenî ra xeylêk kurdîstanijî û dostê înan ê almanî tewrê panelî bîyî. 

Panel de qiseykerdoxî avûkatê dewayanê PKKyî Heike Geisweid û Axel Oswald û Endama Meclîsê Federalî yê Almanya yê Die Linke Gokaye Akbulut bîyî.

Endama Merkezê Komelê Demokratîkî yê Kurdan ê Heilbronnî Gulîstane Ateş destpêkê panelî de vist vîrî ke tepişteyo kurd Mazlum Dora Zîndanê Stammheimî de vra kerdişanê xiraban û keyfîyan grevê vêşanîye rê dewam keno. Ateşe da zanayene ke rewşa Dorayî xirab a û venga komelî da ke derheqê babeta Dorayî de hişyar bibo.

Panel de mexdûranê qedexeyê vera PKKyî Orhan Ateş, Gulîstane Ozdemîr û Huseyîn Keleçîerî qala serebûtanê ke ameyê sereyê înan kerde.