Qirkerdişê vera domananê Til Rifatî ame şermezarkerdene

Dewleta tirke Til Rifatî de 8ê înan domanî 10 sivîlî qetil kerdî. Kurdistanijî û dostê înan Ewropa de vejîyayî meydanan û bi çalakîyan qirkerdişê îşxalkeran şermezar kerd.

ANF
MERKEZÊ XEBERAN
04/12/2019, 07:03

Qirkerdişê dewleta tirke yê vera domananê Til Rifatî Almanya, Hollanda, Yunanîstan, Fransa, Swîsre, Awusturya û Swêdî de bi çalakîyan ame şermezarkerdene.

Çalakîyan de fotografê domananê ke ameyî qetilkerdene ameyî kirşitene û derheqê qirkerdişê dewleta tirke yê vera domanan de vilawekî ameyî vilakerdene. Qiseykerdişan de bale ameye antene qirkerdişanê Tirkiya yê vera kurdan ser û hêzanê mîyanneteweyî ra ame waştene ke hînî bêveng mamenê û çîyêk bikerê. Reyna Fonê Hetkarîya Domanan ê Neteweyanê Yewbîyayeyan (UNICEF) ra ame waştene ke vera qirkerdişê domanan wa wezîfeyê xo bîyarî ca.

Hildesheim