Viyana, Kiel û Stockholm de Qirkerdişê Parisî ame protestokerdene.

Paytextê Avusturya Viyana de rayraşîyayîş û mîtîngêk ame kerdene. Eşkerayîya mîtîng de ame vatene ke ''Ma do xo vîr a nêkerê, hesabê nê qirkerdişan bipersê û edaletî bîyarê ca.'' Çalakîkeran vera sloganê ey “KujerErdogan", "Bê Serok jiyan nabe", "Bijî Serok Apo,” "Sara, Rojbin, Ronahî" û  "Jin Jiyan Azadî" vatî.

Şaristanê Kielî yê Almanya de serkêşîya Jiyana Jin û Defend Kurdistanî de Qirkerdişê Parisî amer protestokerdene. Çalakîye de venga dewleta Fransa dîya ke wa mesuldarîya xo bîyara ca.

Paytextê Swêdî Stockholm de serkêşîya Meclîsê Cinîyan ê Amara de rayraşîyayîş ame kerdene. Rixmê vewre û pûkî zî xeylêk kurdîstanijî û dostê înan tewrê çalakîye bîyî. Çalakîye de ame parekerdene ke dewleta tirke mîyanê des serran de Paris de di qirkerdişî kerdê û ganî hînî dewleta Fransa hesabê ney bipersa.