''Rayraşîyayîşê Azadîye'' yo ke seba azadîya Rayberê Şarê Kurdî Abdullah Ocalanî Parisî ra ver bi Strasbourgî yeno kerdene, vizêr Aulnay Sous Bois de roja xo ya 15ine bi coşî temam kerde.

Şar û esnafan eleqeyêko pîl mojna rayraşîyayîşî. Tîya de çalakîkeran vilawekê serê tecrîdê Îmraliyî vila kerdî.

Organîzatoranê Rayraşîyayîşê Azadîye ra Serhat Adarî dîyar kerd ke na çalakîye hetê dînamîzmê xo ra ê bînan ra cîya ya û vat: ''Moralê ma berz o. Ma armanc kenê ke azadîya Rayber Apoyî bîyarê ca. Her ke 15ê Sibate beno nêzdî vera tecrîdî hêrsê şarê ma zêdîyeno. Ma wazenê atmmosferê na çalakîye biresnê Kolnî. ''

Adarî bale ante guzergehê înan ser û vat: ''Pêvînayîşanê xo de ma dosyayanê serê tecrîdî pêşkêş kenê. Rayberîye xeta ma ya sûr a. Ganî dezgehê sey CPTyî îradeyê nê şarî bişinasnê. Ma wazenê cade Îmraliyî ra xeberêke bigêrê. Seba ke têkilîya şar û Rayberîye hende xurt a, îqtîdarê AKP-MHPyî tecrîdî hende xurt keno. La ê do nêeşkê nê armancî bîyarê ca.''