Rayraşîyayîşê Azadîye yê Parisî ra  ver bi Strasbourgî roja 23. de vizêr resa Nancyî. Raywananê Azadîye verê îstasyonê Nancyî de rayraşîyayîşê xo qedîna û dima înan derheqê tecrîdê vera Rayberê Şarê Kurdî Abdullah Ocalanî de agahîyî dayî. 

Nameyê Komelê Îslamî yê Kurdîstanî ser o çalakîkerêkî qisey kerd û vist vîrî ke 17ê sibate de Koln de rayraşîyayîşêk do bêro kerdene. Çalakîkerî venga pêro kurdîstanijan û dostanê înan da ke seba azadîya Rayberê Şarê Kurdî sey erkêkê exlaqî û wijdanîyî wa tewrê rayraşîyayîşê Kolnî bibê.

Ciwanan dima govende girewte. 

Rayraşîyayîş ewro do Metz de dewam bikero.