Rayraşîyayîşo Derg ê ciwananê kurdan û enternasyonalîstan şaristanê Aachenî de bi hawayêkê heybetinî qedîya. Rayraşîyayîşo ke semedê azadîya Rayberê Şarê Kurdî Abdullah Ocalanî yeno kerdene Koln de dest pêkerdbi.
Rayraşîyayîşo Derg ê ciwananê kurdan û enternasyonalîstan şaristanê Aachenî de bi hawayêkê heybetinî qedîya. Rayraşîyayîşo ke semedê azadîya Rayberê Şarê Kurdî Abdullah Ocalanî yeno kerdene Koln de dest pêkerdbi.
Rayraşîyayîşo Derg sey her serre emserî zî pê şîarê 'Dest bi dest mil bi mil; bêrê Cengê Azadîye' ame kerdene. Her hetê Ewropa ra ciwanî tewrê rayraşîyayîşî bîyî. Ciwanî rixmê provakasyonanê polîsan ê almanan û nîjadperestan zî resayî Aachenî.
Ciwananê Yewîya Wendekaranê Kurdîstanî (YXK) û Cinîyan ê Wendekaran ê Kurdîstanî (JXK) semedê rayraşîyayîşî semînerê 'Raştîya Rayberîye' û 'Manaya Rayberîye' Merkezê Komelê Demokratîkî yê Kurdan ê Aachenî de da. Semîner de verî nuşteyê Hemserekê Konseya Rayberdişî ya KCKyî Cemîl Bayikî ame wendene. Dima musabeqaya zanayîşî ameye kerdene û ciwananê ke ser kewtî xelata kitaban girewte.
Komîteya YXK û JXKyî Beşê Kîmya yê Zanîngehê Aachenî zîyaret kerd û derheqê hêrişanê bi çekanê kîmyewîyan ê dewleta tirke de dosyayêke daye zanîngehî. Komîte veng da ke wa nêbê hemparê nê sûcî.
Zîyaretî ra dima ciwanî merkezê Aachenî de rayîrî ra şîyî û înan vilawekî vila kerdî. Vilawekan de qala tecrîdê Îmraliyî ameye kerdene.
Ciwanan semedê konserê sibayî zî veng da. Konser de Serhado, Bengî Agirî û hunermendê TEV-ÇANDî do vejîyê serê sehne. Rayraşîyayîşo Derg pê konserî qedîya.
