Rayraşîyayîşo Enternasyonalîst o 8in o ke 11ê sibate de seba azadîya Rayberê Şarê Kurdî Abdullah Ocalanî û çareserîya meseleya kurdan yeno kerdene, ver bi Strasbourgî roja çarine de resa şaristanê Colmarî yê Fransa.

Enternasyonalîstan dîyar kerd ke heta caardişê azadîya Rayberê Şarê Kurdî Abdullah Ocalanî ê do têkoşînê xo rê dewam bikerê.

Çalakîkeran yelegê bi nuşteyê Abdullah Ocalanî rê Azadîye' dayî xo rê, alê PKK û fotografê Ocalanî akerdî.

Ciwananê enternasyonalîstan rayraşîyayîşê xo de derheqê tecrîdê Îmraliyî de agahîyî dayî şarî, vilawekî vila kerdî.

Rayraşîyayîş ewro heta Selestadî do dewam bikero.