Raşîyayîşo derg o ke  9'ê Êlule de Almanya, Fransa, Swîsre, îngilistan û welatanê bînan ê Ewropa de pê beşdarbîyayîşê nêzdîya 500 kesan şaristanê Bonnî yê Almanya de dest pêkerd ewro do biqedîyo.

 Rayşîyayîşo ke şîarê ci  "Rayberîye reyde şore, Faşîzmî birijne" yo de her çiqas vernîgirewtişî estî zî pê bêgumantîya ciwanan roja xo ya peyêne de yo. Ciwanî serê sibayî Dusseldorf de binê varanî de ameyî pêser û rayşîyayîş  rayberîya cinîyan ê ciwanan de dest pêkerd.

Ciwanan tîşorê ke serê înan de fotografê Zeynep Kinaci ya ke serra 1996'an de Dêrsime de çalakîya fedayîye kerde û nuşteyê "Zîlan, xoverdayîşê tarîx û cinîyan a. Rayber Apo" esto dayî xo ra. Rayşîyayîş de sloganê "Cinî, Cuye, Azadîye", "Bê Serok cuye nêbena", "Ciwanî fedaîyê Serok Apo yê" yenê vatene.

Yeno texmînkerdene ke rayşîyayîş seata 18:00 de şaristanê Monchengladbache de pê semînerêkê cinîyan ê ciwanan o ke derheqê ekolojî û jineolojîye de yo biqedo. Hetê bînî ra  do bi sînevîzyonêkî dîmenê rayşîyayîşê panc rojan bêro ramotene  û derheqê "Senî û kamcîn uslûbêkê têkoşînî?" ser o munaqeşayî do bêrê kerdene.