Rekorê germayîye ya tarîxê Almanya
Almanya de ke hewa xeylî germ o, rekorê germayîye ya serra 2015’î roja Çarşemeyî bi dereceya 40.5’î newe bîye. Yeno texmînkerdene ke germayî ewo bireso 41 derece.
Germo zêde çend rojî yo xeylî welatanê Ewropa rê tesîr keno.
Goreyê hayîdarîyanê Servîsa Meteorolojî ya Almanî (DWD) vizêr germayîya bajarê Gelsenkirchenî resaye 40.5 derece û bi nê hawayî rekorê Almanya yo verên şikîya. DWD’yî vist vîrî germo zêde yo tewr peyên 5’ê Temmuz a 2015’î de bajarekê Kitzingenî yê Bavyera de amebi pêmawitene. Almanya û Fransa goreyê serra ravêrtî hîna bîyê germ û varan nêvareno. Loma awa xeylî royan bîya kemî. Germo zêde tesîrêko giran zîretî ser o kerdo. Goreyê selahîyetdaranê meteorolojîya Almanî, eyaletê Nordrhein Westfalenî de ke xeylî bajarê pîlî tede estê do germayî ewro bireso 41 derece.
