Netîcenameyê Konferansê 'Ciwananê rêxistinbîyayeyan reyde ver bi azadîya Rayberîye' ame eşkerakerdene. Konferans de seba teşhîrkerdiş û wedaritişê tecrîdê vera Rayberê Şarê Kurdî û azadîya ey birê girîngî ameyî girewtene.
Ciwananê kurdan û enternasyonalîstan şaristanê Dortmundî yê Almanyan de bi şîarê 'Ciwananê rêxistinbîyayeyan reyde ver bi azadîya Rayberîye' konferansêk kerdbi. Netîcenameyê konferansî ame eşkerakerdene.
Almanya, Swîsre, Fransa, Îtalya, Îngilîstan û xeylêk welatanê bînan ra bi desan ciwanî tewrê konferansî bîyî û konferansî qasê 6 ssaetan dewam kerd.
Ciwanan bi eşkerayîyêka çapemenîye netîcename pare kerd.
Netîcename wina yo:
''-Her çiyê serê Rayber Apoyî do bibo merkezê xebatanê ciwanan
-Vera hişmendîya netewe-dewlete paradîgmaya Modernîteya Demokratîke ya Rayber Apoyî do bêra xurtkerdene.
-Felsefe û paradîgmaya Rayber Apoyî wa pêro dinya de bidîyê şinasnayene û vilakerdene.
-Tecrîd û îzolasyonê vera Rayber Apoyî do bibê rojdemê ma yê verênî.
-Çarçewa paradîgmaya azadîya cinîyan de pêro rêxistinanê cinîyan de nîqaşî bêrê kerdene û na paradîgma bêra vilakerdene.
-Tecrîd de rolê Amerîka, Yewîya Ewropa, CPT û rêxistinanê bînan do rayaumûmîya dinya rê bêrê eşkerakerdene.
-Seba ke vera tecrîdî têbigêrê wa rêxistinanê sey CPTyî û Konseya Ewropa rê mektûbî bierşawîyê.
-Vera kerdişanê serê Rayber Apoyî û pêro tepişteyanê sîyasîyan xebatî bêrê kerdene.
-Seba ke dezgehî bi taybetî Konseya Ewropa seba azadîya Rayber Apoyî gaman bierzê wa xebatî bêrê kerdene.''
