Seba ke PKK mîyanê lîsteya terorî ra bêro vetene rojnameyê îtalyanî Il Sole 24 ORE rê îlan ame dayene.

Îlan bi serrnameyê 'Kampanyaya Înîsîyatîfê Mîyanneteweyî: Seba kurdan edalet û seba ke PKK lîsteya terorî ya Yewîya Ewropa ra bêro vetene muracato lezabez' ame weşanayene. Îlan de wina ame vatene: ''Seba haştîye, azadîye, demokrasî, aramîye û heqanê merdiman veng da ke PKK mîyanê 'lîsteya terorî' ra bêro vetene.''

Îlan de ame vatene ke çareserîya meseleya kurdan de PKK terefêkê dîyalogan o la rixmê ney zî PKK sey rêxistinêka terorî yeno pênasekerdene û mîyanê lîsteya terorî de yeno cakerdene. Îlan de ame vîrvistene ke Mehkemeya Belçîka 2020 de tesbît kerdo ke PKK rêxistina terorî nê parçeyêkê şerê çekdarî yê mîyanneteweyî yo.

Îlan de wina ame vatene: ''PKKyî prosesê çareserîya meseleya kurdan ê 2013-2015î de rolêko dîyarker ard ca. Têkoşînê vera DAÎŞî de çinkerdişê DAÎŞî de rolêko pîl kay kerd. PKK pawitiş û xelisnayîşê Mexmûr, Şingal, Kerkûk û Kobanê de bi hetkar. PKKyî seba ke cinîyan û domananê kênayan ê êzidîyan DAÎŞî ra bipawo 2014 de Şingal de korîdorê merdimîye akerd. Tarîxê kurdan de sey PKKyî qet yew têgêrayîşê înan nêeşka kurdan hende seferber bikero. Eşkera yo ke PKK mîyanê kurdanê Rojhelatê Mîyanênî de têgêrayîşêko xurt û aram o. Rojhelatê Mîyanênî de azadîya cinîyan PKK teşwîq keno. Seba haştîye, azadîye, demokrasî, aramîye û heqanê merdiman veng da ke PKK mîyanê 'lîsteya terorî' ra bêro vetene.''

https://justiceforkurds.info/IT/

https://justiceforkurds.info/Petition/