Roma de xoverdayoxê grevê vêşanîye Erol Aydemîrî rê paştdayîşo gird est o.

Kurdistanijî û Îtalyanijî Aydemîrî tena nêverdenê. Merdimê Aydemîrî zî ê zîyaret kenê û paşt danê çalakîya ey. Merdimanê Aydemîrî vat ke bi çalakîya ey serê înan berz o û ê bawer kenê ke do çalakîyê grevê vêşanîye ser bikewê û tecrîd bêro şikitene.

Mîyanê zîyaretkedoxanê vizêrî de yew keyeyo Îtalyan zî estbi ke nameyê derguşa înan Leyla Guvene bî. Hetê bînî ra Aydemîr tewrê konferansêkê dezgehanê komelanê sivîlan bi û derheqê tecrîdî de qisey kerd. Çalakîya grevê vêşanîye ya biagêrayîşî zî grûba newî dewr girewte.