Roniştişê reya 13’ine yê sîyasetmedarê Kurdî Salih K.’yî Mehkemeya Eyaletê Stûttgartî de virazîya.

Ridvan O.’yo ke derheqê sîyasetmedaranê Kurdan de îfadeyî dayê û zereyê programê pawitişî yê şahidan de yo, bi tedbîranê çetinan arîya mehkema. Ridvan O.’yo ke dewa Çila ya Çelê ya Colemêrgî ra yo, vat keyeyê ê rîyê zextê giranî yê dewleta Tirkî ra tim ameyo eceqnayene û qorucîtî serê înan de amîya ferzkerdene. Ridvan O.’yî vat heta menga 8’ine ya 2017’î ko de mendo, pîya bi cinîya xo ya verêne şîyê Iraq. Ridvan O.’yî seba terorîzekerdişê çapemenîya Kurdan zî tayê îdîayî ardî ziwan.

Bi Vatişanê ke Yewbînan Pê Nêgênê Kurdî Kerdî Hedef

Seba ke îfadeyê Ridvan O.’yî yewbînan pê nêgirewtêne serekê mehkema û dozgerî çend reyan persî ci ra kerdî. Îfadeyanê xo de komeleyê Kurd3i û welatperwerê ke şinê nê komeleyan hedef girewtî. Qiseykerdişê telefonî yê mabênê Ridvan O. û Salih K.’yî de zî ameyî goşdarîkerdene.Gama ke avûkate Anna Bûsche îfadeyê Ridvan O.’yî yê îdareyê îltîca bi vîr vistî, vat, “Mi wina nêvato.” Roniştiş heta 15’ê Temmuze ame peydeeştene.