Merdan K. 20ê êlula 2021î ra naya Zîndanê Stammheimî yê Stuttgartî yê Almanya de tepişte yo. Mehkemeya Almanya îdîa kena ke ciwano 22 serre Merdan endamê PKKyî yo û 'kadroyê ciwanan ê PKKyî' de ca gêno.

Roniştişê 10. yê dewa ra verî komêka ciwananê kurdan verê mehkeme de pankarta 'tepişteyanê sîyasîyan rê azadîye' akerde. Ciwanan polîtîkayê teda û krîmînalîzkerdişî yê vera kurdan şermezar kerdî û vat: ''Têkoşînê şarê kurdî sûc nîyo, veng bidê ma.''

Ciwanan bi sloganê 'Biciwîyo xoverdayîşê zîndanan' paştî daye Merdan K. Ciwanan îfade kerd ke ê do reyna tewrê roniştişî bibê û paştî bidê Merdan K.