Ronayoxanê PKKyî ra Sakîne Cansiz, Temsîlkara KNKyî Fîdane Dogan û Endama Têgêrayîşê Ciwananê Kurdan Leyla Şaylemez ê ke 9ê çeleyê 2013î de Paris de ameybî qetilkerdene, bînaya Şaredarîya Herêma 10ine ya Parisî de ameyî yadkerdene.
Ronayoxanê PKKyî ra Sakîne Cansiz, Temsîlkara KNKyî Fîdane Dogan û Endama Têgêrayîşê Ciwananê Kurdan Leyla Şaylemez ê ke 9ê çeleyê 2013î de Paris de ameybî qetilkerdene, bînaya Şaredarîya Herêma 10ine ya Parisî de bi merasîmêkî ameyî yadkerdene.
Şaredara Herêma Desine ya Parisî Alexandra Cordebard û dostê kurdan zî tewrê yadkerdişî bîyî.
Alexandra Cordebard yadkerdiş de ard ziwan ke ê do qetî nê qirkerdişî nêdê vîrakerdene. Alexandra Cordebard vera dewleta Fransa nêrazîbîyayîşê xo mojna ke qirkerdişî roşnî nêkena û pare kerd ke ê do tim hetê şarê kurdî de yê. Alexandra Cordebard vat: ''Şarê Fransa nameyê demokrasîyî ser o seba têkoşînê înan ê vera DAÎŞî deyndarê kurdan o.''
Bername de dokumenterê ''Hîrê Cinîyê Şorişgêrî'' ame mojnayene.
Dima avûkata dewa Sylvie Boitel qisey kerd û vat: ''Hayîya ma nêweşîya kiştox Omer Guneyî ra est bîya. Coka ma xîret kerd ke Tirkîya ra cewabêkê lezî bigêrê la Tirkîya cewab nêda.''
Vervatoxa Karanê Teberî ya CDK-Fyî Bêrîvane Firat zî îfade kerd ke dewleta Fransa Qirkerdişê 2022yî sey hêrişêkê nîjadperestî name kerdo û rexne kerd ke o hêriş hêrişêko terorîst bîyo.
