Newroza merkezî ya Ewropa 23yê adare de şaristanê Frankfurtî yê Almanya de do bêra fîrazkerdene. Hemsereka Federasyonê Komelê Demokratîkî yê Kurdan (FED-DEM) Sebahate Ergîn bi rayîrê ANFyî venga her kesî da ke tewrê Newroza Frankfurtî bibo.

Sebahate Ergîn qalê girîngîya Newroze kerd û vat: ''Newroze ruhêk o ke do tecrîdî bişikno. Newroze seba şarê kurdî û şaranê dinya yena manaya newebîyayîşê wisarî. La seba şarê kurdî Newroza 2024î ruhê xoverdayîş û têkoşînî yê Bêrîtane û Ronahîye û têkoşînê Mazlûm Doganî yo. Seba ma şarê kurdî Newroza 2024î ruh o ke do tecrîdê Îmraliyî bişikno. Coka ma vanê ke 23yê adare de Frankfurt de bêrê yewca û bibê vengê xoverdayîş, têkoşîn û azadîya merdimatîye.''