Wekîlê Partîya Çepe ya Xosere Eh Bilduyî bi vîdeoyan tewrê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bîyî.

Wekîlê EH Bildu Igor Zulaikayî bale ante tecrîdê vera Rayberê Şarê Kurdî Abdullah Ocalanî ser û vat: ''Ocalan nêeşkeno avûkatanê xo bivîno ke no vera heqanê merdiman o. Ez wazena tîya ra mesajê paştdayîşî bida. No qasidê haştîye yo. Ma heta peynî paştî danê Abdullah Ocalanî û têkoşînê ci. Ganî Ocalan cade azad bibo ke çareserîya meseleya kurdan bêra caardene. Ma vanê ke Abdullah Ocalanî rê azadîye.''

Wekîle Oihana Etxebarrieta Legrand zî medyaya dîjîtale ser de no mesaj da: ''Sey EH Bilduyî ma ancî wazenê ke Abdullah Ocalan azad bibo. Şarê kurdî reyde ma do têkoşîn bikerê. Ma şima hetî de yê. Ocalanî rê Azadîye.''

Senator Gorka Elejabarrieta Diazî vat: ''Heqê Abdullah Ocalanî bi giranî yenê binpaykerdene. Ma hetê Abdullah Ocalan û şarê kurdî de yê. Ma azadîya Ocalanî wazenê. Azadî ji Ocalan re û Bijî Kurdistan."