Kurdan şaristanê Goteborgî yê Swêdî de dostanê xo reyde serrgêra 41. a ronayîşê PKKyî fîraz kerde.

Deqayêkê rêzgirewtişî ra dima sîyasetmedarê kurdî Abdullah Devecîyî qisey kerd û îfade kerd ke ronayîşê PKKyî bi têkoşînê azadîye yê şarê kurdî destpêkê dewirêkê neweyî de yo. Devecîyî pare kerd ke şarî vera operasyonanê dewleta tirke yê Başûr û Vakurî ser o bi hawayêkê serkewteyî têkoşînê xo dewam kerd û derbeyê pîlî da dişmenan ro. Devecîyî venga kurdîstanijan û dostanê înan da ke bi xurtî paştî bidê Şorişê Rojawanî û PKKyî. Şayîya fîrazkerdişî de derheqê ronayîşê PKKyî de sînevîzyonêk ame mojnayene û Hozan Kewa, Mohammed Taha, Ferîboz Karamî, Fîxan Xelîl vejîyayî sehne ser. Kurdan û dostanê înan bi deyîran govend girewt û sloganê ''Biciwîyo PKK'', ''Biciwîyo Serek Apo'' û ''Seba Ocalanî Azadîye'' vatî.