Endama Komelê Cinîyan ê Azadan ê Rojhelatî (KJAR) Werîşe Mûradî ya ke Zîndanê Evîne yê Îranî de yena tepiştene cezaya îdamî dîyaye ci. Werîşe Muradî rê seba ke zaf îşkence ame kerdene, problemê ci yê weşîye yê giranî est ê. Dîya zanayene ke sewqkerdişê nêweşxaneyî yê Werîşe Muradî bi vatişê ''Zîndanî ra vejîyayîşê ci  qedexe yo'' yeno astengkerdene.

Werîşe Muradî ya ke zîndan de binê zextê giranî de ya badê cezaya îdamî sere de heqê weşîye heme heqê ci yenê binpaykerdene.

Îdareyê Zîndanî vatbi eke Werîşe Muradî masrafanê nêweşxaneyî bigîro xo ser, ê do aye sewq bikerî la  badê qerarê îdamî qerarê xo nêard ca.