Şaristanê Strasbourgî yê Swêdî de çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de hetê Merkezê Komelê Demokratîkî yê Kurdan û Înîsîyatîfê Cinîyan ê Zîne ra çalakîya xeyme ameye kerdene.

Xeyme de standî ameyî akerdene. Stand de derheqê têkoşîn û paradîgmaya Rayberê Şarê Kurdî Abdullah Ocalanî de broşurî ameyî vilakerdene.

Aktîvîstanê Înîsîyatîfê Zîne xeyme de qisey kerd û pare kerd ke têkoşînê cinîyan bi Konfederalîzmê Demokratîkî do ser bikewo. Cinîyan da zanayene ke dewleta îşxalkere tecrîdê Îmraliyî xurtêr kena. Cinîyan îfade kerd ke ê do heta azadîya Rayberê Şarê Kurdî têkoşînê xo rê dewam bikerê.

Temsîlkarê Konseya Ewropa ya HEDEPî Fayîk Yagizayî zî çalakîye de qisey kerd û ard ziwan ke dewleta tirke huqûqî nêana ca û bi hawayêkê sîyasîyî nêzdîyê Abdullah Ocalanî beno. Yagizayî bale ante ser ke hîrê serrî yo Rayberê Şarê Kurdî Abdullah Ocalanî ra xeberêke nêna girewtene û vat: ''Seba ke Birêz Ocalan rolê xo bîyaro ca ganî her kes paştî bido na hemle.''