Şaristanê Strasbourgî yê Fransa de Newroze bi coşî ameye fîrazkerdene. Şayîye de xoverdayîşê gerîlayan ame selanmkerdene û sloganê sey “Bijî Serok Apo” , “Bê Serok jiyan nabe” , “Jin, jiyan, azadî” ameyî vatene.

Endamê Konseya Rayberdişî ya KCKyî Zubeyîr Aydarî şayîye de qisey kerd û îfade kerd ke şarê kurdî şayîyanê 2024î de eşkera kerd ke hertim do xover bido. Aydarî vat: ''Emser Newroze de şarê ma mesaj da  ke heta ke Rayber Apo azad bibo têkoşînê ci zî do dewam bikero.''

Aydarî dima bale ante weçînayîşanê 31ê adare ser û waşt ke wa şarê kurdî weçînayîşan de bi raya xo îradeyê xo bimojno.

Aydarî da zanayene ke dewleta tirke hamnan de ancî do hêrişê Rojawan, Başûr û Herêmanê Pawitişî yê Medya bikera û vat ke ganî şarê kurdî ca de cewabê nînan bido.

Şayîye de hunermendî Sidar Amedî, Farqîn Azad, Dilovan, Seher Stran, Şerîf Omerî û Seyda Perinçek vejîyayî sehne ser.