Bajarê Stuttgartî yê Almanya de, bi wesîlaya 18'ê Adare girewteyanê sîyasîyan reyde roja paştdayîşî ameye viraştene. Çalakîye de çalakîya fedayî ya Zulkuf Gezenî ameye silamkerdene.

Temsîlkarê AGÎF, SKB, MLPD, Zusammen Kaempfen, Rote Hilfe, Federasyonî Anadoluyî, ATÎK û girêdayîyê Meclîsê Cimatê Demokratîk ê Kurdî tewrê çalakîye bîyî.  Çalakîye de seba ke paştdayîş dano polîtîkayanê qirkerişî yê dewleta Tirkî yê vera şarê Kurdan û mûxalîfan,  hukmatê Almanî ame protestokerdene.Bi nameyê Platforma Vengê Girewteyan Necatî Abayî qisey kerd û çalakîya Gezenî silam kerde. Qiseykerdişan ra dima girse bi qîrîyayîşê sloganan ray ra şi û çalakîya xo qedênaye.