Şaristanê Stuttgartî yê Almanya de derheqê Qirkerdişanê Mereş û Roboskî de panelêk ame kerdene. Federasyonê Komeleyanê Demokratîkan ê Mereşî (MARDEF), Kongreya Înşaya Dêrsimî û Federasyonê Elewîyan ê Demokratîkî (FEDA) panel serûber kerd.

Mesut Daghanî destpêkê panelî de qisey kerd. Panel de dima Hemsereka MARDEFî Hatîce Sonzamanci, rojnameger Azîz Tun., Mavîşe Toklu û sîyasetmedar Ferhat Encuyî qisey kerd. 

Panelîstan ra Hatîce Sonzamanci vat: ''Qirkerdişê Mereşî qirkerdişanê tarîxê Komara Tirkîya ra yew o. Qirkerdişê Mereşî sey qirkerdişanê bînan hetê dewleta tirke ra ame kerdene, vera nasnameyê kurdan û bawerîya elewîyan pakîya etnîke ameye armanckerdene.''

Sîyasetmedar Ferhat Encuyî vist vîrî ke Roboskî de 34 kesî ameybî qetilkerdene û ard ziwan ke dewleta tirke bi metodanê cîyayan hêrişê şarê kurdî kena.