6'ê Adare de kombîyayîşêk Parlamentoyê Swêdî de seba “Platformê Leyla Guvene, grevê vêşanîye û HDP’yî reyde paştdayîşî” amebi awankerdene. Platformî bi eşkerayîyêka nuştekîye awenkerdişê xo rayapêroyî rê da zanayene.
Platformê Paştdayîşê Grevê Vêşanîyê yê Swêdî bi eşkerayîyêk awankerdişê xo da eşnawitene.
Eşkerayîye de dîya zanayene ke Tirkîya ke azadîya fikir û îfadeyî, çapemenîye, rêxistin û nawnayîşî ameyî qedexkerdene, de Parlamentera HDP'yî Leyla Guvene seba wedaritişê tecrîdkerişê Rayberê Şarê Kurdî Abdullah Ocalanî 7’ê Teşîna Peyêne ra nata grevê vêşanîye de ya. Amancê grevê vêşanîye, wedaritişê tecrîdkerdişê Ocalanî û sey verî verê pêvînayîşanê haştîye û dîyalogî bêro akerdene yo.
Dewamê eşkerayîye de ame vatene ke bi hezaran kesî tewrê grevê vêşanîye bîyê û ca dîya nînan: ’’Tirkîya de teberê grevê vêşanîye de sewbîna rayîrêko bîn nêmendo, wezîfe û berpirsyarîya ma a ya ke ma bibê vengê xoverdayoxan. Heqê înan ê weşîye û cuye hesasîyetê me yo tewr gird o. Verê persanê weşîye yê mendeyan û merdeyan ganî waştişanê înan bêrê bicaardene. Seba naye zî ganî ma rayapêroyî û hukmatanê Swêdî, welatanê Skandînavya û Yewîya Ewropa bikerê mîyanê têgêrayîşî. Hîsgêrîya ke mîyanê rayapêroyî do bêro afernayene, hukmatê Erdoganî ser o tesîr bikera.Cuya çalakwananê grevê vêşanîye sewîyeya krîtîke de ya. Pawitoxanê heqanê merdiman ganî çalakwananê grevê vêşanîye rê wayîr bivejîyê.’’
