Kurdîstanijan sey her çarşemeyî seba azadîya Rayberê Şarê Kurdî Abdullah Ocalanî Cenevre û Lozan de çalakîyanê xo rê dewam kerd.

Cenevre de çarçewa 'Wext Wextê Azadîye' de kurdîstanijan bi waştişê azadîya Abdullah Ocalanî verê Ofîsê NYyî yê Cenevre de çalakîya roniştişî dabî destpêkerdene. Çalakîkerî bi qerardarî çalakîya xo rê dewam kenê.

Çalakîya vizêrîne de seba Halîl Guneşî deqayêk rêz ame girewtene û hêrişê kîmyewî yê dewleta tirke yê vera Herêmanê Pawitişî yê Medya ameyî şermezarkerdene. Çalakîye de sîyasetmedarê kurdî Firat Anliyî qisey kerd û ard ziwan ke heta ke Abdullah Ocalan bêro azadkerdene ê do têkoşînê xo rê dewam bikerê.

Hemsereka KCDK-E Fatoşe Goksungur îfade kerd ke mesuldarê mergê Garîbe Gezer, Halîl Guneş û Abdulrezzak Şuyurî dewlet a. Goksungure waşt ke cade tepişteyê nêweşî bêrê veradayene.

Lozan de endamanê TCŞ û TÊKO-JIN çarçewa Hemleya 'Werin Cenga Azadiyê' de  reyna standêk akerd. Stand de ciwanan kitabê Rayberê Şarê Kurdî Abdullah Ocalanî vila kerdî. Çalakîye şan qedîyaye.