Bajarê Syneyî yê Awusturya de Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî ameye wayîrvejîyayene.

DKTMyî verê Parlamentoyê Eyaletî yê NSWyî de eşkerayîya çapemenîye organîze kerde. Xeylêk temsîlkarê partîyanê sîyasîyan, merdimê dînî, û hunermendî tewrê ci bîyî. Eşkerayîye de  azadîya Rayberê Şarê Kurdî Abdullah Ocalanî ameye waştene û Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî ameye wayîrvejîyayene.

Merdimê Dînî Keşîş Bill Grewsî vat: ''Ganî şarê kurdî qederê xo bi destê xo tayîn bikero û Ocalan cade  serbest bêro veradayene ke semedê haştîye rolê xo kay bikero.''

Parlamenterê Partîya Hewzan David Shoebridge zî ard ziwan ke Ocalanî semedê haştîye zaf xîret kerd û vat: ''Nika wextê azadîye yo.''

Parlamenterê Partîya Hewzan Jaime Parkerî zî vat: ''Ganî PKK 'lîsteyê rêxistinanê terorî' ra vejîyo û PKK, YPG û YPJyî rê spas bêro kerdene ke  înan vera DAÎŞî şer kerd.''

Bi nameyê Îtîfaqê Sosyalîstî Gim  Hankins vat: Azadîya Ocalanî semedê ma pêrune muhîm a.''

Grûbê Paştdayîşê Rojawanî ra Peter Boyle zî ard ziwan ke Ocalan semedê heme şaran ê bindestan têkoşîn ke û vat: ''O Mandelayê Rojhelatê Mîyanênî yo.''

Hemserekanê DKTM û ADKTFzî vat: ''Azadîya Ocalanî yena manaya haştîye Rojhelatê Mîyanênî. Coka ganî her kes dormeyê na hemle de bêro têhet.''