Têgêrayîşê Ciwanan ê Şorişgêran (TCŞ) kongreya xo ya diyîne paytextê Fransa Paris de serûber kerde. Almanya, Fransa, Swîsre, Avusturya, Hollanda, Belçîka û xeylêk welatanê Ewropa ra bi seyan ciwanî tewrê kongre bîyî.

Kongre çarçewa Hemleya 'Werin Cenga Azadiyê' de bi şîarê 'Qesas rêxistinbîyayîş o, rêxistinbîyayîş azadîya Rayber Apoyî yo' ame kerdene. Salona kongre de fotografê Rayberê Şarê Kurdî Abdullah Ocalanî, posterê şehîdanê şorişî ameyî daliqnayene.

Hemserekê KONGRA-GELî Remzî Kartalî kongre de qisey kerd û bale ante têkoşîn de rolê ciwanan ser.

Kongre de dîmenê mesajanê ciwananê Rojawanî û sînevîzyonê serê Abdullah Ocalanî ameyî mojnayene. Mesajan de ame vatene ke ciwanê kurdî do têkoşînê şorişî yê Kurdîstanî pîl bikerê û seba azadîya Rayberê Şarê Kurdî Abdullah Ocalanî rolê xo bîyarê ca.

Kongre de endamê neweyî yê Meclîsê TCŞyî ameyî weçînayene. Kongre pê govende û sloganan qedîyaye.