Serkêşîya rêxistinanê kurdîstanijan de xeylêk şaristananê Ewropa de vera tecrîdê serê Rayberê Şarê Kurdî Abdullah Ocalanî çalakîyê roniştişî dîyayî dest pêkerdene. 

Paytextê Brîtanya London de serkêşîya Meclîsê Şarê Kurdî de verê Wezîrîya Îngilîstanî de çalakîya roniştişî ya hîrê rojan dîyaye destpêkerdene.

Paytextê Almanya Berlin de çalakîye ra ver heyetêkê NAV-Berlinî dosyaya bi waştişanê xo teslîmê Wezîrîya Karanê Zereyî kerd. Dima verê wezîrîye de çalakîye ameye kerdene. Çalakîye de bale ameye antene hêrişanê îşxalî yê vera Başûrê Kurdîstanî ser zî.

Paytextê Swêdî Stockholm de vera tecrîdî verê parlamentoyî de çalakîye ameye kerdene. Çalakîkeran verê parlamentoyî de stand akerd û derheqê tecrîdî de agahîyî dayî.

Paytextê Swîsre Bern de verê Parlamentoyê Federalî de çalakîye ameye kerdene. Çalakîkeran dima ke eşkerayîye daye dosyaya xo bi emailî şawite wekîlanê parlamentoyî. CDK-S û YJK-Syî venga pêro kurdîstanijan û dostanê înan da ke ewro verê Parlamentoyî de tewrê çalakîya roniştişî bibê.

Paytextê Qibrisî Limasol de serkêşîya Meclîsê Şarê Kurdî de çalakîya roniştişî ya hîrê rojan verê tecrîdî dîyaye destpêkerdene. Çalakîye de derheqê tecrîdê Îmraliyî de broşurî ameyî vilakerdene.