Temellî Strasbourge de kombîyayîşê şarî de qisey kerd
Hemserekê Pêroyî yê HDP'yî Sezaî Temelî yo ke seba tayê pêvînayîşan bajarê Strasbourgî yê Fransa de yo Kurdistanijan reyde ame têhet.
Hemserekê Pêroyî yê HDP'yî Sezaî Temelî yo ke seba tayê pêvînayîşan bajarê Strasbourgî yê Fransa de yo Kurdistanijan reyde ame têhet.
Hemserekê Pêroyî yê HDP'yî Sezaî Temellî yo ke tayê pêvînayîşanê dezgehanê Ewropa reyde biviraze Strabourge de yo, Merkezê Komeleya Demokratîk a Kurdan de tewrê kombîyayîşêk bi.
Temellîyî bale ante serê pêvînayîşanê HDP'yî yê Başûrê Kurdistanî û ard ziwan, partîyê ke HDP’yî înan reyde pêvînayîşî kerdî îfade kerdî ke seba qedînayîşê şerî ganî dewrê çareserîya demokratîke dest pê bike.Temellîyî dîyar kerd ke seba qedînayîşê şerî ganî partîyê Kurdan bilezî bêrê têhet û Kongreya Neteweyîye bivirazê û vat, înan bi nê partîyanê Başûrê Kurdistanî reyde qisey kerd, labelê seba pêameyîşê Yewîya Neteweye şert û mercî nêdîyê. Hemserekê HDP'yî eşekere kerd ke semedo eslî yê şerê nikayînî meseleya Kurdan o û meseleya Kurdan Tirkîya de meseleya demokrasî ya. Temellî û heyeto ke ey reyde yo do ewro Parlamentoyê Ewropa de komanê sîyasî û Grûba Dostanîya Kurdî reyde pêvînayîşan bikê.