Têgêrayîşê Cinîyan ê Kurdan ê Ewropa (TJK-E) derheqê serrgêra Qirkerdişanê Parisî yê 9ê Çeleyê 2013î û 23yê Kanûna 2022yî de eşkerayîyêke daye.

TJK-E Sakîne Cansiz, Fîdane Dogan, Leyla Şaylemez, Emîne Kara, Mîr Perwer û Abdurrahman Kizil yad kerdî û pare kerd ke nê qirkerdişî hetê dewleta tirke ra ameyê pîlankerdene. TJK-E îfade kerd ke tewirê Fransa ra Qirkerdişo Parisî yo Diyîn qewimîyayo.

TJK-E vat: ''Ma do temamîya Ewropa de çalakîyanê yadkerdişî û protestoyî bi şîarê 'Kiştox dîyar o! Fransa çira bêveng a! Ma do hesabê qirkerdişan bipersê. Ma do vera hêzanê ke bîyê hemkarê qirkeran, tewirê xo bimojnê. 

Ma do destûr nêdê ke cinîyî mîyanê tarîtîyan de vinî bibê. Ma soz danê ke şehîdanê Parisî de şorişê cinîyan hîna pîl bikerê. Ma venga pêro rêxistinan, têgêrayîşan û cinîyan danê ke tewrê çalakîyan bibê.''

Bernameyê çalakîyan wina yo:

*23yê Kanûne: Verê Merkezê Komelê Kurdan ê Ahmet Kayayî de wextê saeta qirkerdişî de 11.37 de rêz do bêro girewtene. Dima dengbêjî do bêrê goşdarîkerdene. Dima 18.00 de bernameyê yadkerdişî do dest pêbikero.

*9ê Çeleyê 2025î: Temamîya Ewropa de verê sersefîrîyanê Fransa de çalakîyê protestoyî do bêrê kerdene. Saete 11.00 de Paris de verê Merkezê Komelê Kurdan ê Ahmet Kayayî ra heta Buroyê Enformasyonî yê Kurdan rayraşîyayîş do bêro kerdene. Dima verê buroyî de eşkerayîye do bêra kerdene. Saete 18.00 de zî panelî do bêrê kerdene.

*11ê çeleyê 2025î: Mîtîng, rayraşîyayîşo merkezî do bêrê kerdene. Rayraşîyayîş saetre 10.00 de verê Gare de Nordî ra dest pêbikero.