Têgêrayîşê Cinîyan ê Kurdan ê Ewropa (TJK-E) bi eşkerayîyêke venga pêro cinîyan û kurdîstanijan da ke bi şîarê 'Rayber Apoyî rê azadîye, Kurdîstanî rê statu'yî 2yê êlule de tewrê çalakîyanê Ewropa, Avusturalya û Kanada bibê.

TJK-E çalakîya xo de da zanayene ke Rayberê Şarê Kurdî Abdullah Ocalanî ra 30 mengî yo xeberêke nêna girewtene û pê tecrîdê vera Ocalanî cinî û komelê kurdan zî yenê tecrîdkerdene. TJK-E bêvengîya Neteweyanê Yewbîyayeyan, Konseya Ewropa û CPTyî ya vera tecrîdî şermezar kerde û venga nînan da ke wa erkê xo bîyarê ca.

TJK-E vist vîrî ke heta ke tecrîd nêqedo şarê kurdî û cinîyî zî do azad nêbê. TJK-E vat: ''Ma venga pêro cinî, ciwan, kurdîstanij, demokrat, sosyalîst, şorişgêran û dostanê kurdan danê ke seba azadîya Rayber Apoyî sere de yê Strasbourgî, bi şîarê 'Rayber Apoyî rê azadîye, Kurdîstanî rê statu'yî 2yê êlule de tewrê çalakîyanê Ewropa, Avusturalya û Kanada bibê.''