Umît Acar seba protestkerdişê tecrîdê Ocalanî û seba protestokerdişê zîyaretê Serekkomarê Tirkîya Recep Tayyîp Erdoganî yê Almanya rê protesto bike 27'ê Êlula 2018 de şaristanê Ingolstadtî de xo vêşnabi. Acar serrgêra çalakîya xo de heman şaristan de ame yadkerdene.

Dimayê deqayêka rêzgirewtişî sînevîzyonê serê têkoşînê Umît Acarî ame mojnayene. Yadkerdiş de Endamê Dîwanê KCDK-E'yî Demîr Çelîkî qisey kerd û vat ke "Têna Umît Acar ney, ma behsa tarîxê fedaîyan kenê ke seba rayberîya xo, Kurdîstano Azad û cuya azade xo feda kenê." Çelîkî nêrazîbîyayîşê qedexeyanê Almanya yê ser alayanê YPG û YPJ'yî rê bale ante û vat ke "Qaşo ke xoverdayîşo destanwarî yê YPG û YPJ'yî rê hûrmet bikê, alayê înan yenê qedexekerdene."

Yadkerdiş de Mustafa Tûzakî zî qisey kerd ke ey zî çalakîya grevê vêşanîye yê bêdemî û bêagêrayîşî de ca girewtibi. Tûzakî va: "Ma do cuya bê Rayberîye qet qebul nêkerê. Heta ke Rayberê ma binê tecrîdî de bo, ma zî do binê tecrîdî de bibê. Ganî şarê Kurdî wayîrê Rayberîye û ercayanê aye bivejo." Yadkerdiş pê slogananê 'Wa Biciwîyo Serek Apo' û 'Şehîd nêmirenê' qedîya.