Sewîsre de vera îdamkerdişê Mazlûm Dag û Abdurrahman Er ê ke Başûrê Kurdîstanî de cezaya îdamî dîyaye înan, 'Vera îdamî Înîsîyatîfê Paştdayîşê Seba Er û Dagî' ronîya.

Demîr Çelîk, Firat Anli,Yurdusev Ozsokmenler, Abdullah Demîrbaş, Nejdet Atalay, Mîne Çetînkaya, Alî Matur, Gernas Koçer, Necmettîn Er û merdimanê Er û Dagî înîsîyatîf na ro. Vervatoxê înîsîyatîfî Firat Anliyî pare kerd ke ganî vera îdamê ciwanan ê kurdan têkoşîn bêro kerdene.

Dima Gernas Koçerî eşkerayîye wende. Eşkerayîye de ame vatene ke seba ke na cezaya îdamî nêra caardene înîsîyatîf do xebatan bikero. Înîsîyatîfî venga pawitoxanê heqanê merdiman, huqûqnas, demokrat, dezgehanê humanîteran da ke paştî bidê înîsîyatîf. Înîsîyatîfî peynî de venga Serekê Herêma Kurdîstanî Nêçîrvan Barzanîyî da ke cezaya îdamî tesdîq nêkero.

Eşkerayîye ra dima waya Abdurrahman Erî Şukrane Er zî qisey kerd û veng da.