Ver bi Serrgêra Pêkerdişê Lozanî Înîsîyatîfê Kurdîstanî Bipawê ( Defend Kurdîstan) vera îşxal  û qirkerdişî  Lozanî ra heta Cenevre  do rayraşîyayîşê dergî yê 3 rojan organîze  bikero.

Rayraşîyayîşo ke 10ê temmuze de pê kombîyayîşê çapemenîye do bêro destpêkerdene,  pê şîarê 'Vera îşxalê Tirkîya ma Kurdîstanî bipawê' do bêro kerdene. Sîyasetmedar, nuştox, hunermend, rojnameger û akademîsyenî do tewrê rayraşîyayîşî bibê û pê panel, semîner, kombîyayîşê şarî û konseran derheqê xoverdayîşê şarê kurdî yê vera qirkerdiş û îşxalî de zanayîş bidê.

Komelê Demokratîkî yê Kurdan ê Swîsre (CDK-S) û Têgêrayîşê Cinîyan ê Kurdan ê Swîsre  (YJK -S) semedê tewrbîyayîşê rayraşîyayîşî veng da. Eşkerayîe bale ameye antene hêrişanê vera kurdan ser û ame waştene  ke wa sere de Swîsre her hetê Ewropa ra kurdî dostê înan na çalakîye de cayê xo bîgêrê.